pyar mein bhi hota hai samjhauta
jee haan, samjhaute to har jagah karane padate hain! phir pyaar mein kyon nahin ? man mein banee aadarsh chhavi na mile to ghutate kyon rahen! jo aapake thoda manamaaphik bhee hai use pyaar se poora bana len!
aap jeevan mein har samay ek prakaar kee poornata ya aadarsh sthiti kee talaash mein rahate hain. us aadarsh sthiti kee chhavi aap khud gadhate hain. pareeksha ka nateeja ho ya naukaree, dostee, makaan, poshaak, rang-roop aur khaan-paan aadi sabake lie aapake man mein ek aadarsh chitr banata rahata hai aur yadi aapako praapt vastu ya sthiti us tasveer se mel nahin khaatee to aap niraash ho jaate hai.
aapako lagata hai ki aap utane bhaagyashaalee nahin hain, jitane ki doosare hain. par aap yah jaanakar hairaan hona nahin chaahate hain ki jise aap aadarsh upalabdhi praapt bhaagyavaan manushy maan rahe the, vah khud apane adhoorepan kee kasak man mein lie ghoom raha tha. paripoornata ya aadarsh sthiti ka maapadand ek kaalpanik kasautee hai jisake peechhe bhaagane vaala hamesha udaas va khoya-khoya rahata hai aur jisane is kaalpanik paripoornata kee gutthee sulajha lee vah har tarah kee sthiti ko apane paksh mein dhaalakar khush hona seekh jaata hai. koee sadak kinaare bik rahee manapasand cheej khareedakar hee khushee se damak uthata hai aur koee bade mol se saamaan khareedakar bhee use ghar laakar ek kone mein phenk kar lambee aahen bharata hai.
yahee soch aur manahsthiti rishton ke sandarbh mein bhee laagoo hotee hai. ek aadarsh saathee kee chhavi apane dimaag mein rakhane aur apeksha ke anuroop use praapt nahin kar paane ke kaaran aapaka man kabhee bhee poornata mahasoos nahin karata hai. bas aapake dilodimaag mein yahee savaal goonjata rahata hai ki doosare ka saathee aapase achchha kyon? aapane jise chuna usamen aisee kamiyaan kyon ? aur kaee baar aise savaal itana sir chadhakar bolane lagate hain ki bana-banaaya khel bigad jaata hai .
taara (badala hua naam) bhee isee paripoornata ke chakkar mein apana samajha-boojha rishta thukaraakar pachhata rahee hai. unhen laga jis pyaar kee tasveer vah apane mein basaee huee theen vah jatin (badala hua naam) ke pyaar mein nahin hai. pichhale do varshon se donon aapasee nonk-jhonk ke baavajood bahut hee pyaar se samay bita rahe the. jatin to is rishte ko shaadee mein parivartit karane ka khvaab dekhane laga tha. par taara aksar man hee man jatin ko jeevanasaathee ke roop mein sochakar utanee utsaahit nahin hotee thee jitanee ki use apane-aapase apeksha thee.
usake sanshay aur anamanepan ne aakhirakaar is rishte ko tod diya. par ab taara phir se use paana chaahatee hain kyonki kaee doston ko parakhane ke baad ab unhen apanee bhool ka ehasaas ho gaya hai. par jatin ka dil itana toot gaya hai ki vah taara par kisee bhee tarah se vishvaas karana hee nahin chaahata hai.
taara jee! duniya ke har rishte mein samajhauta karana padata hai. yahaan tak ki maan-baap aur bachchon ke rishte bhee vaise aadarsh nahin hote jaisa ki aap sochatee hain. jis rishte mein dher saaree khushiyaan hon vahaan chhotee-motee anachaahee baaten, aadaten koee khaas maayane nahin rakhanee chaahie. samay ke saath-saath pyaar badhane ke kaaran bahut-see aadaten badal bhee jaatee hain. kisee ek kee or se bhee koshish hotee hai to usaka prabhaav donon par padata hai. par dikkat vahaan aatee hai jahaan ek saathee apane-aapako bilkul band kar le aur doosaree or apane nae saathee kee talaash shuroo kar de.
sach to yah hai ki aapaka yah najariya aapako kabhee bhee khushee ka pal mahasoos nahin karane deta hai aur aap hamesha behatar kee talaash mein hee chakkar kaatatee rah jaatee hain. hona to yah chaahie ki jisamen saath pratishat bhee aapake man mutaabik gun hon unamen aap jeevanasaathee kee sambhaavana dekhen aur apanaapan se us saath pratishat ko assee pratishat tak badha len. ab bees pratishat kee jo khaee hamesha banee rahegee use sveekaar kar hee aapako aage badhana chaahie. aapakee buniyaadee pasand hotee hai tabhee aap kisee se jud paate hain aur saal-do saal us rishte ko nibha paate hain. itane lambe samay tak kisee rishte ko nibhaane ke baad yadi phir se nae rishte kee talaash shuroo kar den to saaree oorja va mehanat bekaar jaatee hai.
aisee haalat mein rishta todane vaala aur jisase rishta toda gaya hai, donon hee aahat va pareshaan ho jaate hain. behatar yahee hai ki soch-samajhakar rishte mein apanaapan aur aatmeeyata ka ansh daalen, yadi rishte mein apanatv va nijeepan ko jagah de rahe hain to use chhote-chhote samajhauton ke saath nibhaen. ho sakata hai, aapaka samajhauta doosare mein sudhaar ka aujaar bane.
agar apko yah post acha lage to ise share aur comment jaroor kare.